Нова група студенти од Скопје Мет, кои студираат за дипломи на Лондон Метрополитен Универзитетот, официјално дипломираа на 31-ви јули на церемонијата во Барбикан Центар, Лондон. Покрај редовните студенти по Бизнис и Менаџирање на настани и Туризам, имаше и прва група студенти кои дипломираа од Факултетот за Компјутинг и Дигитални Медиуми. На неколку студенти им беа доделени дипломи за магистер по Мрежно поврзување и Сајбер Безбедност. За време на нивниот престој, студентите исто така го посетија и кампусот на Лондон Метрополитен Универзитетот на Holloway Road и уживаа во богатата културна понуда и убавото време во Лондон.
