ПВПУ „ЕУРО КОЛЕЏ“ – Куманово со гордост го најавува почетокот на партнерството со реномираниот Лондон Метрополитен Универзитет од Лондон, Велика Британија. Вклучувањето на ЛМУ во листата на партнери на Еуро Колеџ е највисокото достигнување на Еуро Колеџ во напорот во својата понуда да достигне глобален опсег. Студентите во Северна Македонија кои студираат за двојна диплома ќе имаат ретка можност да го искусат квалитетот и ригорозноста на најдобриот образовен систем во светот стекнувајќи вештини коишто ќе им овозможат да развијат високо успешен професионален живот и да го остварат сиот свој потенцијал како поединци.
